හිටපු පාර්ලිමේන්තු මන්ත්‍රී අමරකීර්ති අතුකෝරල මහතා ඝාතනය කිරීමේ සිද්ධිය සම්බන්ධයෙන් අධිකරණය ලබාදුන් තීන්දුව අගය කරන බවත්, එම දඬුවමම එදින පාර්ලිමේන්තු සංකීර්ණය ගිනිබත් කිරීමට උත්සාහ කළ පිරිසට ද ලබාදිය යුතු බවත් සමගි ජන බලවේගයේ පාර්ලිමේන්තු මන්ත්‍රී එස්.එම්. මරික්කාර් මහතා ප්‍රකාශ කළේය. අද (12) කොළඹදී පැවති මාධ්‍ය හමුවකට එක්වෙමින් මන්ත්‍රීවරයා මේ බව සඳහන් කළේය.
අරගල සමයේ සිදුවූ එම කුමන්ත්‍රණය පිටුපස වත්මන් රජයේ සිටින ඇතැම් අමාත්‍යවරුන් පවා සිටි බවට මරික්කාර් මහතා මෙහිදී බරපතළ චෝදනාවක් එල්ල කළේය. ප්‍රචණ්ඩ ක්‍රියාවල නිරත වූ සියලු දෙනාට එරෙහිව නීතිය සමානව ක්‍රියාත්මක විය යුතු බව පෙන්වා දුන් මන්ත්‍රීවරයා, රාජ්‍ය දේපළ විනාශ කිරීමට සහ මන්ත්‍රීවරුන් ඝාතනය කිරීමට මෙහෙයවූවන් කවුරුන් වුවද ඔවුන්ට දඬුවම් ලැබිය යුතු බව අවධාරණය කළේය.
