රත්න සහල් ව්යාපාරයේ අධිපති, ප්රමුඛ පෙළේ කෘෂි ව්යවසායක මිත්රපාල ලංකේශ්වර මහතා සිය වාණිජ මෙහෙයුම් කටයුතු කඩිනම් කිරීම සඳහා ආසන 6ක් හෝ 7කින් සමන්විත කුඩා ප්රමාණයේ පෞද්ගලික ජෙට් යානයක් මිලදී ගැනීමට පියවර ගනිමින් සිටී. මෙම ආයෝජනය සුඛෝපභෝගී අරමුණකට වඩා, ව්යාපාරික විධායකයින්ගේ වටිනා කාලය ඉතිරි කරගැනීම වෙනුවෙන් ගත් තීරණයක් බව ඒ මහතා පෙන්වා දෙයි.
මෙම ගුවන් යානා පහසුකම තමන්ට පමණක් සීමා නොකර, කාර්යබහුල ගමන් අවශ්යතා සහිත අනෙකුත් ව්යාපාරික ප්රධානීන්ට ද කුලී පදනම මත ලබා දීමට ලංකේශ්වර මහතා අපේක්ෂා කරයි. මෑතකදී නිමාව දුටු සිංගප්පූරු ගුවන් ප්රදර්ශනයට ද සහභාගී වූ ඒ මහතා, බෙල් හෙලිකොප්ටර් සමාගම සමඟ දේශීය ගුවන් මෙහෙයුම් පුළුල් කිරීම පිළිබඳව සාකච්ඡා කර ඇති අතර එහිදී ‘බෙල් 505’ මාදිලියේ හෙලිකොප්ටර් යානා කෙරෙහි විශේෂ අවධානයක් යොමු වී ඇත.
මෙම නව ජෙට් සහ හෙලිකොප්ටර් යානා එක්වීමත් සමඟ රත්න ඒවියේෂන් (Ratna Aviation) ආයතනය සතු ගුවන් සේවා ජාලය තවදුරටත් ශක්තිමත් වනු ඇත. දැනටමත් ඔවුන් රොබින්සන් වර්ගයේ හෙලිකොප්ටර් යානයක් වාණිජ සේවා සඳහා යොදවා ඇති අතර, බෙල් සමාගමේ දේශීය නියෝජිත ආයතනය වන සෙයිලෝන් ඒරොනොටිකල් සර්විසස් ආයතනය ද මෙම ව්යාපෘතිය සඳහා සහයෝගය දක්වයි.
