කොරෝනා වෛරසය ආසාදනය වීමෙන් ජාතික උණ රෝහලේ ප්‍රතිකාර ලබන නාත්තණ්ඩිය ප්‍රදේශයේ පදිංචි පුද්ගලයා සහභාගීවූ අවමංගල උත්සවයක පාංශකූලය සඳහා වැඩම කළ විහාරාධිපති හිමිනමක් සහ එම විහාරයේම තවත් හිමිනමක් දින 14ක කාලයක් නිරෝධායනයට ලක් කර තිබේ.
මාදම්පේ සෞඛ්‍ය වෛද්‍ය නිලධාරී කාර්යාලය සඳහන් කරන්නේ එම ප්‍රදේශයේ විහාරස්ථානයක විහාරාධිපති හිමිය නමක් සහ එහි තවත් හිමිනමක් මෙසේ නිරෝධයට යොමුකල බවයි.
මේ අතර පවතින තත්වය සැලකිල්ලට ගනිමිනි රටේ සහ ජනතාවගේ ආරක්ෂාව වෙනුවෙන් තලවකැලේ ළිඳුල නාගසේන ශ්රී මහින්දාරාම විහාරස්ථානයේ නැවත දැනුම් දෙනතුරු වසා දමා තිබේ.
කොරෝනා වෛරස ව්‍යාප්තිය පාලනය කිරීම සඳහා රජය විසින් ගනු ලබන උත්සාහයට සහායක් ලෙස මෙම පියවර ගනු ලැබූ බව එහි විහාරාධිපති හිමියෝ සඳහන් කරති.
(under the courtesy of lankacnews.com news web)
