පසුගිය ජනාධිපතිවරණයේදී සියයට හතළිස් තුනක්ව පැවති රජයේ ඡන්ද ප්රතිශතය, අද වන විට සියයට විස්ස දක්වා අඩුවී ඇති බව ආණ්ඩුවේම පාර්ශ්ව විසින් සිදුකරන ලද සමීක්ෂණයකින් හෙළිවී ඇතැයි හිටපු අමාත්ය මහාචාර්ය චන්න ජයසුමන මහතා ප්රකාශ කරයි. ‘සර්වජන බලය’ පක්ෂයේ ජන හමුවක් අමතමින් ඔහු පෙන්වා දුන්නේ රජය කෙරෙහි පවතින මහජන විශ්වාසය මාස කිහිපයක් වැනි කෙටි කාලයක් තුළ බරපතල ලෙස බිඳවැටී ඇති බවයි. විශේෂයෙන්ම අනුරාධපුර දිස්ත්රික්කය තුළ පමණක් සිදුකළ සමීක්ෂණ දත්තයන්ට අනුව ආණ්ඩු පක්ෂයේ ඡන්ද ප්රතිශතය සියයට පහළොව දක්වා තවදුරටත් පහළ බැස ඇති බව ඔහු මෙහිදී අනාවරණය කළේය.
මෙම ජන හමුව සඳහා ‘සර්වජන බලය’ පක්ෂයේ ප්රාදේශීය දේශපාලනඥයින් සහ පාක්ෂිකයින් පිරිසක් සහභාගී වී සිටි අතර, එහිදී රටේ වත්මන් දේශපාලන හා ආර්ථික තත්ත්වය පිළිබඳව දීර්ඝ වශයෙන් සාකච්ඡා කෙරිණි. ජනතාව ලබාදුන් ජනවරම ආරක්ෂා කිරීමට රජය අපොහොසත් වී ඇති බවත්, ඒ හේතුවෙන් ජනතාව විකල්ප දේශපාලන බලවේග කෙරෙහි අවධානය යොමු කරමින් සිටින බවත් මහාචාර්යවරයා වැඩිදුරටත් අවධාරණය කළේය. රජය විසින්ම සිදුකරන ලදැයි පැවසෙන මෙම සමීක්ෂණ වාර්තා මගින් පාලක පක්ෂය තුළ පවතින අභ්යන්තර අර්බුදය ද මනාව පිළිඹිබු වන බව ඔහුගේ අදහසයි.
