රුසියාවේ රැකියා ලබාදෙන බව පවසමින් එරට වෙත යවන ලද ශ්‍රී ලාංකිකයන් 17 දෙනෙකු රුසියානු හමුදා සේවයට බඳවා ගැනීමට ගත් උත්සාහයක් වාර්තා වෙයි.
ඔවුන් එම ප්‍රයත්නයෙන් මිදී ආපසු මෙරටට පැමිණ ඇත.
මෙසේ පැමිණි ශ්‍රී ලංකිකයන් පිරිස මෙරට විවිධ ප්‍රදේශවල පදිංචිකරුවන්ය.
නුගේගොඩ ප්‍රදේශයේ පිහිටි රැකියා නියෝජිත ආයතනයක් හරහා තමන් රුසියානු රැකියා සඳහා යොමු කර මෙම වංචනික කටයුත්ත සිදු කිරීමට උත්සාහ කළ බවද ඔවුන් කියා සිටියහ.
