සංචරණ සීමාවන් පවතින කාලයේ දී බැංකු කටයුතු පවත්වාගෙන යාම සඳහා අවසර ලබා දෙන ලෙස ඉල්ලා මහ බැංකු අධිපතිවරයා විසින් පොලිස්පතිවරායෙගන් ලිඛිත ඉල්ලීමක් සිදු කර තිබුණා. ඒ අනුව පොලිස්පතිවරයා එම ඉල්ලීම පිළිබඳ සෞඛ්ය සේවා අධ්යක්ෂ ජනරාල්වරයා වෙත දැනුම් දුන් අතර එහිදී සෞඛ්ය සේවා අධ්යක්ෂ ජනරාල්වරයා විසින් බැංකු කටයුතු පවත්වාගෙන යාම සඳහා උපදෙස් මාලාවක් නිකුත් කර තිබෙනවා.
එම උපදෙස් මාලාවට අනුව,
- සියළුම බැංකු ශාඛා සහ බැංකු නොවන මූල්ය ආයතන සඳහා එක් ශාඛාවකට වරකට සේවකයින් 15ක උපරිමයට යටත්ව සේවකයින් කැඳවීමට අවසර හිමිවනවා.
- එසේ කැඳවන සේවකයින් පිළිබඳ විස්තර අදාළ ශාඛා කළමණාකරු විසින් අදාළ පොලිස් ස්ථානය වෙත භාර දිය යුතුවනවා.
- එසේ භාර දුන් ලැස්යිස්තුවට අනුකූලව බැංකු කාර් ය මණ්ඩලයට සිය අනන්යතාව තහවුරු කර සේවයට වාර්තා කිරීමේ හැකියාව පවතිනවා.
කෙසේ වෙතත් ගණුදෙනුකරුවන් වෙත බැංකු විවෘත කිරීමක් මෙහිදී සිදුනොවන අතර සංචරණ සීමා පනවා ඇති කාලසීමාවේ දී බැංකුවල අභ්යන්තර කටයුතු පවත්වාගෙන යාම සඳහා පමණක් මෙම අවසරය හිමිව තිබෙනවා.
1 comment
Comments are closed.