International News News

ට‍්‍රම්ප්ගේ යූ ටියුබ් ගිණුමත් සතියකට අත්හිටුවයි

යූ ටියුබ් සමාගම විසින් අමෙරිකානු ජනාධිපති ඩොනල්ඞ් ට‍්‍රම්ප්ගේ යූ ටියුබ් චැනලය අවහිර කර තිබෙනවා. ඒ අනුව ඉදිරි දින 7 ක කාලය තුළ දී වත්මන් අමෙරිකානු ජනාධිපතිවරයාට සිය යූ ටියුබ් චැනලය හරහා කිසිදු වීඩියෝ පටයක් හෝ සජීවී විකාශයක් ප‍්‍රචාරය කල නොහැකි වනු ඇති.

එම තහනම තවදුරටත් දීර්ඝ කෙරෙනු ඇති බවටද වාර්තා පළ වනවා. ජනාධිපති ට‍්‍රම්ප්ගේ ෆේස්බුක් ගිණුම ද මේ වනවිට අත්හිටුවා ඇති අතර නිල ට්විටර් ගිණුම ස්ථිරවම තහනම් කර අවසන්. ජනාධිපති ට‍්‍රම්ප්ගේ සමාජ මාධ්‍ය ජාල ගිණුම් මෙලෙස තහනම් කිරීමට හේතුවූයේ ඉකුත්දා අමෙරිකාවේ පැවැති මහජන විරෝධතා හා ඒ සදහා පාක්ෂිකයින් පොලඹවන බවට ජනාධිපතිවරයාට එල්ල වූ චෝදනායි.

මේ අතර ඩොනල්ඞ් ට‍්‍රම්ප්ට එරෙහිව දෝෂාභියෝගයක් ගෙන ඒම සදහා අමෙරිකානු කොංග‍්‍රස් මණ්ඩලයේ නියෝජිත මන්ත‍්‍රී මණ්ඩලය මේ වනවිට කටයුතු කරමින් සිටිනවා. එම යෝජනාව සම්බන්ධයෙන් වන විවාදය හා ඡන්ද විමසීම අද පැවැත්වීමට නියමිතයි. 

Related posts

සැපට යන්න සැප බස් රථ ගෙනෙයි..

Shiran Viraj

කොරෝනා වෛරසයෙන් ඉන්දියාව වාර්තා පිට වාර්තා තබයි : පැය 24ක් තුල රෝගීන් 97000ක් සහ මරණ 1,200ක්

Shiran Viraj

ලොව පුරා සෞඛ්‍ය සේවකයින් 90000 කට කොරෝනා වැළඳී ඇතැයි තක්සේරුවක්

Shiran Viraj