රට පුරා මත්පැන් හල් විවෘත කිරීමත් සමග ජනතාව ඒවා ඉදිරිපිට දැඩි ලෙස පොරකමින් කටයුතු කිරීම කිසිසේත්ම අනුමත නොකළ හැකි තත්වයක් බව සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය අනිල් ජාසිංහ මහතා සඳහන් කළේය.
යම් හෙයකින් එම ස්ථානයකින් කොරෝනා වෛරස් පොකුරක් ආරම්භ වුවහොත් නැවත කොරෝනා පාලනයේ මුල් අවස්ථාවට යාමට රටටම සිදුවන බවද ඔහු සඳහන් කරයි.
ඒ නිසා මත්පැන් හල් වල මත්පැන් මිලදී ගැනීමේදී සමාජා දුරස්ථභාවය රැුකෙන ලෙස කටයුතු කරන ලෙසද ඔහු ජනතාවගෙන් ඉල්ලා සිටියේය.
අද වන විට රට පුරා කොරෝනා ව්‍යාප්තිය 90% කින් ම පාලනය කර අවසන් බවත් දැනට ඇත්තේ වැලිසර නාවික හමුදා කදවුර සහ ඔවුන්ගේ ආශ්‍රිතයන් පමණක් බවත් සැක සහිත සියලු දෙනා මේ වන විටත් හඳුනාගෙන ඇති සහ වෙන් කර කටයුතු කිරීමට සලස්වා ඇතැයිද ඔහු කියා සිටියේය.
(under the courtesy of lankacnews.com news web)
