Local News News

ඇදිර නීතිය අස්සේ දෙකෝටියක කේරල ගංජා මුහුදෙන් ගෙනේ..

යාපනය පේදුරුතුඩුව මනල්කාඩු මුහුදු තීරයේදී රුපියල් කෝටි දෙකකට අධික වටිනාකමින් යුත් කේරල ගංජා කිලෝ 133 ග්‍රෑම් 57 ක ප්‍රමාණයක් සමග සැකකරුවන් තිදෙනෙකු අත්අඩංගුවට ගත් බවට නාවික හමුදාව පවසයි.

ඇඳිරිනීතිය පනවා තිබියදී අදාල සැකකරුවන් විසින් ඩිංගි යාත්‍රාවක් යොදාගෙන කේරල ගංජා තොගය මුහුදුමාර්ගයෙන් රැගෙන යද්දි උතුරු නාවික විධානයට අයත් භට පිරිසකගේ සෝදිසි මුර සංචාරයකට අදාල ඩිංගි යාත්‍රාව නිරීක්ෂණය වීමෙන් පසුව යාත්‍රාව පරික්ෂා කිරීමේදී මෙම කේරල ගංජා තොගය හමු වී ඇත.

අදාල කේරල ගංජා තොගය ඉන්දියාවේ සිට මුහුදු මාරගයෙන් යාපනයට රැගෙන එන්නට ඇති බවට නාවික හමුදාව සැක පල කර සිටි අතර අත්අඩංගුවට ගත් සැකකරුවන් පේදුරුතුඩුව ප්‍රදේශයේ පදිංචි වයස අවුරුදු 22, 26 හා 37 වියෙහි පසුවන්නන් වෙති.

අත්අඩංගුවට ගත් කේරල ගංජා තොගය සාකකරුවන් නාවික හමුදා නිලධාරීන් විසින් දැඩි සෞඛ්‍ය ආරක්ෂිත පියවර අනුගමනය කරමින් ගොඩබිමට රැගෙනඑමෙන් පසුව වැඩිදුර පරික්ෂණ කටයුතු සඳහා පේදුරුතුඩුව පොලිසිය වෙතට භාර දීමට පියවර ගනු ලැබීය.
(under the courtesy of lankacnews.com news web)

Related posts

යාපනයේ තිස්ස විහාරය ඉවත් කරන්නැයි විරෝධතා..

Shiran Viraj

හේමසිරි සහ පුජිත්ට අදාළ විමර්ශන අවසන් : CIDය අධිකරණයට දැනුම් දෙයි

Shiran Viraj

කැළණි ගග උතුරයි.. මහ ගංවතුරක් කොළඹ බලා…

Shiran Viraj