ශ්රී ලංකාව හා ඉන්දියාව අතර බෞද්ධ සබඳතා ප්රවර්ධනය කිරීම උදෙසා ඉන්දීය රජයෙන් ලැබෙන ආධාර ව්යාපෘතිය යටතේ ආගමික ස්ථානයන්හි සූර්යය බල පද්ධති සවිකිරීමේ ව්යාපෘතිය ක්රියාත්මක කිරීම පිළිබඳව කරුණූ සාකච්ඡාවක් බුද්ධශාසන ආගමික හා සංස්කෘතික කටයුතු අමාත්යාංශයේ දී පැවැත්විණි.
ඉන්දීය මුල්ය ප්රදාන ව්යාපෘතිය යටතේ ආගමික ස්ථානයන්හි සූර්යයබල විදුලි පද්ධති සවිකිරීමේ ව්යාපෘතිය ක්රියාත්මක කිරීම යටතේ සිදු කිරීමට නියමිත සියලු කාර්යයන් හා මතුවිය හැකි ගැටළු පිළිබඳව මෙහිදී සාකච්ඡා කළ අතර, මෙම වසර අවසන් වන විට මෙම ව්යාපෘතියේ පළමු අදියරේ වැඩ කටයුතු අවසන් කළ හැකි බව ද එහිදී සාකච්ඡා කෙරිණි.
බුද්ධශාසන ආගමික හා සංස්කෘතික කටයුතු අමාත්ය විදුර වික්රමනායක සහ බිදුලිබල හා බලශක්ති අමාත්ය කාංචන විජේසේකර මහත්වරුන්ගේ ප්රධානත්වයෙන් මෙම සාකච්ඡාව සිදු කෙරිණි.
බුද්ධශාසන අමාත්යංශල විදුලි බල අමාත්යාංශ, ලංකා විදුලිබල මණ්ඩල සහ ශ්රී ලංකා සුනිත්ය බලශක්ති අධිකාරියේ නිලධාරිහු පිරිසක් ද මෙම අවස්ථාවට එක්වුහ.
– Media unit
