ජපානයට දැඩිව බලපෑම් එල්ල කළ හයිෂෙන් සුළි කුණාටුව මේවනවිට දකුණු කොරියාවට කඩා වදිමින් තිබෙනවා.
විදෙස් වාර්තා පැවසුවේ දකුණු කොරියාවේ බුසාන් වරාය නගරයට දකුණු දෙසින් හයිෂෙන් සුළි කුණාටුව රට තුළට ඇතුළුවී ඇති බවයි. අයහපත් කාලගුණය හමුවේ ගුවන් තොටුපළ 10 කින් පමණ සිදුකිරීමට නියමිතව තිබූ ගුවන් ගමන්වාර 300 ක් පමණ අත්හිටුවීමට බලධාරීන් පියවර ගෙන තිබෙනවා.
දුම්රිය ගමන් වාර රැුසක් ද මේවනවිටත් අත්හිටුවා ඇති බවයි විදෙස් මාධ්‍ය පැවසුවේ.
මේ අතර සුළි කුණාටුවේ බලපෑම හමුවේ දකුණු කොරියාවේ නිවාස ඇතුළු ස්ථාන 5000 ක පමණ විදුලි සැපයුම බිඳවැටී ඇති බවයි පැවසෙන්නේ. එලෙස විදුලි සැපයුම බිඳ වැටී ඇති කලාප අතරට ඒ අතරට සුප‍්‍රකට ජේජු දූපත ද අයත්.
(under the courtesy of nethnews.lk news web)
