පසුගිය ජනවාරි 29 වන දින මුහුදේදී ඉන්දීය ආරක්ෂක නිලධාරීන් පිරිසක් ශ්රී ලාංකික ධීවරයින්ට පහර දුන් බවට එල්ල වන චෝදනා කොළඹ පිහිටි ඉන්දීය මහා කොමසාරිස් කාර්යාලය නිල වශයෙන් ප්රතික්ෂේප කර තිබේ. මාධ්ය ආයතන විසින් කරන ලද විමසීම්වලට ප්රතිචාර දක්වමින් මහා කොමසාරිස් කාර්යාලය ප්රකාශ කළේ, අදාළ සිදුවීම සම්බන්ධයෙන් කරුණු විමර්ශනය කළ බවත්, එහිදී ඉන්දීය නාවික හමුදාව හෝ ඉන්දීය වෙරළාරක්ෂක බලකායේ නිලධාරීන් විසින් එවැනි කිසිදු පහරදීමක් සිදු කර නොමැති බව තහවුරු වූ බවත්ය.
ධීවරයන්ගේ ජීවනෝපාය සම්බන්ධ ගැටලු දෙස සැමවිටම මානුෂීය කෝණයකින් බැලිය යුතු බවත්, කිසිදු තත්ත්වයක් යටතේ බලය භාවිතා නොකළ යුතු බවත් ඉන්දියාවේ ස්ථාවරය බව එම ප්රකාශකයා වැඩිදුරටත් සඳහන් කළේය. මේ සම්බන්ධයෙන් ඉන්දීය බලධාරීන් ශ්රී ලංකා රජය සමඟ නිරන්තරයෙන් සම්බන්ධ වෙමින් කටයුතු කරන බව ද ඔහු අවධාරණය කළේය. මෙවැනි චෝදනා එල්ල වීම දෙරට අතර පවතින රාජ්ය තාන්ත්රික සබඳතාවලට බලපෑමක් නොවන පරිදි විමර්ශනය කළ යුතු බව පෙනී යයි.
