පහතරට අමු තේ දළු කිලෝග්‍රෑම් 01 මිල යළි ඉහළ යමින් ඇතිබව තේ කර්මාන්ත ශාලා හිමියන් පවසයි.
ඒ අනුව පසුගිය මාසයේ අමු තේ දළු කිලෝග්‍රෑම් 01 ක් සඳහා රුපියල් 230 මිලක් ගෙවා තිබේ.
පසුගිය අප්‍රේල් මාසයේ අමු තේ දළු කිලෝග්‍රෑම් 01 සඳහා රුපියල් 217 මිලක් ගෙවීය.
පවතින තත්වය මත ඉදිරියේ අමු තේ දලු කිලෝග්‍රෑම් 01ක් සඳහා රුපියල් 250 ඉක්මවූ මිලක් ගෙවනු ඇතිබව තේ කර්මාන්ත ශාලා හිමියන් පවසයි.
ඒ හේතුවෙන් හැකිතාක් නොමේරු ,නොතැලුනු දලු සපයන මෙන් තේ කර්මාන්ත ශාලා හිමියන් කුඩා තේ වතු හිමියන්ගෙන් ඉල්ලා සිටියි.
– නාගොඩ සුමන උදයන්ත
