අරගලය මතින් බලයට පැමිණි ජනාධිපති රනිල් වික්‍රමසිංහ මහතාට අවවාදාත්මක අනතුරු ඇඟවීමක් සිදු කරන බව පූජ්‍ය ආචාර්ය ඕමල්පේ සෝභිත හිමියන් පවසති.
මහනායක හිමිවරුන්ගේ සහ ආගමික නායකයින්ගේ බසට ඇහුම්කන් නොදෙමින් වත්මන් පාලකයන් ගෙන යන වැඩ පිළිවෙල නුදුරේදීම බරපතල ව්‍යසනයකට මුහුණ දෙනු ඇති බව උන් වහන්සේ කියා සිටිති.
කඳුළු වැකුණු දෙනෙතින් ඊට මුහුණ දීමට ජනාධිපති ඇතුළු පාලකයන්ට සිදුවනු ඇති බවත් උන්වහන්සේ සඳහන් කරති.
අන්තර්ජාල නාලිකාවක් සමඟ සාකච්ඡාවකට එක් වෙමින් උන් වහන්සේ මෙම අදහස් පල කර ඇත.
ලක්ෂ 40ක ට වැඩි පිරිසක් මීට පෙර ජනතා අරගලය වෙනුවෙන් මහමඟට පැමිණි බවත් මීළඟ අරගලයට ලක්ෂ 80 වකට වඩා වැඩි ජනකායක් එක්වනු ඇති බවත් එහිමියෝ කියා සිටිති.
ජනාධිපති රනිල් වික්‍රමසිංහ මහතාට සිය කටයුතු නිදහසේ කරගෙන යාමට කිසිවෙකු හෝ ඉඩ ලබා නොදෙන්නේ නම් ඒ සම්බන්ධයෙන් රටේ ජනතාව දැනුවත් කොට වහා පාර්ලිමේන්තුව විසුරුවා හැරීමට පියවර ගත යුතුව ඇති බවද සෝභිත හිමියන් තව දුරටත් පැවසූහ.
699 comments
Comments are closed.